Txheej Txheem Kev Pab Tswv Yim KIev Noj Qab Haus Huv Fab Siab Ntsws
Txhim Kho Lub Peev Xwm Ntawm Cov Kws Pab Kho Mob Saib Xyuas Xub Thawj thiab Kev Kawm
Thaum cov neeg laus uas zov me nyuam me thiab me nyuam yaus nyob rau hauv tej chaw zov me nyuam los yog chaw kawm ntawv tau txais cov kev pab txhawb uas lawv xav tau los daws tej teeb meem cwj pwm uas lawv nrhiav nyuaj, ces lawv yuav muaj peev xwm los tsim huab cua ib puag ncig txog kev kawm thiab kev loj hlob zoo rau txhua tus neeg. Siv tus qauv kev pab txhawb Kev Muab Lus Pab Tswv Yim Kev Noj Qab Haus Huv Fab Siab Ntsws Rau Me Nyuam Me thiab Me Nyuam Yaus, peb tuaj yeem ua hauj lwm ua ke txhawm rau txhim kho cov kev ua neej nyob thiab cov kev ua neej yav tom ntej ntawm Wisconsin cov me nyuam me thiab cov me nyuam.
Peb pab pawg neeg ua hauj lwm ntawm cov kws pab tswv yim tshaj lij rau siab ntsoov yuav:
- Muab kev cob qhia thiab pab txhawb txhawm rau tsim koj cov kev txawj
- Pab koj tsim cov hauv kev tshiab los pab txhawb cov me nyuam me thiab cov me nyuam yaus
- Tsim ib cov tswv yim los pab txo kev nyuab siab thaum koj nyuab siab vim hauj lwm ntau dhau los yog ntsib tej yam cwj pwm nyuaj los sis cov xwm txheej
Kev Muab Lus Pab Tswv Yim Kev Noj Qab Haus Huv Fab Siab Ntsws Rau Me Nyuam Me thiab Me Nyuam Yaus Yog Dab Tsi?
Lub khoos kas Healthy Minds Healthy Children (HMHC) yog txoj hauv kev saib raws li kev tiv thaiv uas tuav khub cov kws muab lus pab tswv yim kev saib xyuas kev noj qab haus huv fab siab ntsws nrog cov neeg laus uas muab kev saib xyuas rau cov me nyuam me thiab cov me nyuam yaus nyob rau hauv cov chaw saib xyuas xws li lub chaw saib xyuas me nyuam, kev mus saib xyuas hauv tsev, thiab kev cuam tshuam thaum ntxov. Qhov kev pab tswv yim uas peb muab pab tsis yog “kho me nyuam yaus” thiab nws tsis yog kho cwj pwm. Hloov, peb lub khoos kas yog tawm qauv los pab rau cov neeg saib xyuas me nyuam yaus li koj kom pab tau me nyuam yaus li kev loj hlob paub tab fab kev txawj koom lwm tus thiab kev xav uas muaj kev noj qab nyob zoo. Peb cov kws pab kho mob tshwj xeeb kev noj qab haus huv fab siab ntsws uas tau txais kev cob qhia fab chaw kuaj mob yuav ua hauj lwm nrog koj tas li, muab kev pab txhawb thiab kev cob qhia uas pab txhawb koj los txhawb nqa kom muaj kev loj hlob paub tab fab kev txawj koom lwm tus thiab kev xav uas muaj kev noj qab nyob zoo ntawm cov me nyuam nyob rau hauv lawv qhov kev saib xyuas ua ke no kuj tseem pab koj muab lus teb rau tus cwj pwm rau cov me nyuam uas cov neeg laus pom tias muaj kev cov nyom yam uas zoo.
Nws Ua Hauj Lwm Li Cas
- Koj tau txheeb xyuas qhov kev xav tau rau Cov Kev Pab Cuam Kev Muab Lus Pab Tswv Yim HMHC
- Ua Kom Tiav Daim Foos Xa Mus Kho HMHC
- Peb Tus Kws Kho Mob Tshwj Xeeb Txog Kev Xa Mus yuav tau txais ib daim ntawv ceeb toom hauv email raws li qhov koj thov tuaj thiab yuav taug qab ua raws koj nyob rau hauv ob hnub ua hauj lwm raws li koj txoj hauv kev sib txuas lus uas nyiam siv.
- Tus kws Pab Tswv Yim Uas Tau Txais Kev Muab Cob: Tus Neeg Ua Hauj Lwm Khoos Kas yuav txiav txim tias tus kws pab tswv yim uas tuaj yeem muaj raug raws li koj cov kev xav tau tshaj plaws.
- Kev Sib Txuas Lus Thawj Zaug: Koj Tus Neeg Muab Lus Pab Tswv Yim HMHC yuav txuas lus rau koj txhawm rau teeb lub rooj sib lajh nrog koj los sis koj tus coj khoos kas.
- Kev Sab Laj Thawj Zaug: Koj los sis koj tus kws pab tswv yim kev noj qab haus huv fab siab ntsws HMHC yuav sib laj txog cov kev pab cuam khoos kas thiab ua kom tiav daim ntawv pom zoo ntawm lub chaw. Qhov kev sab laj no tuaj yeem muaj tej tug neeg koom nrog tuaj ntawm koj pab pawg neeg ua hauj lwm
- Peb tus kws pab tswv yim yuav ua hauj lwm nrog koj thiab koj pab pawg neeg ua hauj lwm txhawm rau ua kom tiav qhov kev soj ntsuam tus kheej ntawm lub chaw ua hauj lwm txhawm rau txheeb xyuas cov ua tau zoo thiab cov hwv tsam kev pab tswv yim kev noj qab haus huv fab siab ntsws
- Siv Qhov Cuab Yeej Tawm Phiaj Xwm Khoos Kas, Tus Kws Pab Tswv Yim thiab Lub Chaw Ntawm HMHC yuav sib koom tsim kho Lub Phiaj Xwm Kev Nqis Tes Txog Kev Pab Tswv Yim Thaum Pib txhawm rau suav nrog txhua cov kev pab cuam raws li siv tau.
- Pib Cov Kev Pab Cuam Pab Tswv Yim: Nyob rau qib feem nrab, Tus Kws Pab Tswv Yim HMHC yuav muab cov kev pab cuam kev pab tswv yim thaj tsam 10-12 teev rau ib hli, rau ncua sij hawm thaj tsam 12-24 hli. Tej zaum qhov no yuav muaj kev hloov pauv nce raws li cov kev xav tau uas tau txheeb xyuas nyob rau ncua sij hawm Cov Txheej Txheem Kev Ntsuam Xyuas Tus Kheej Ntawm Lub Chaw.
- Thaum kev pab cuam xaus: Tus Kws Pab Tswv Yim HMHC muab ntu kev saib xyuas kaw thiab ua kom tiav daim ntawv xaus lus lub phiaj xwm thiab lwm cov ntaub ntawv
- Yog tias tau qhia thiab tau txheeb xyuas cov kev pab cuam HMHC nyob rau ncua sij hawm kev tawm phiaj xwm pib, Cov Kws Pab Tswv Yim HMHC yuav ua hauj lwm nrog lub khoos kas txuas mus ntxiv thiab tau tsim Lub Phiaj Xwm Kev Nqis Tes tshiab.
Kev Pab Txhawb Kev Loj Hlob thiab Kev Loj Hlob Paub Tab Kom Muaj Kev Noj Qab Nyob Zioo Nyob Rau Txhua Qib
Peb cov kws pab tswv yim kev noj qab haus huv fab siab ntsws tuaj yeem muab kev pab txhawb txhua yam suav txij thaum yog me nyuam mus txog thaum tau txais kev pab txhawb hauv zos.
Peb muaj plaub qib kev txhawb nqa:
Rau qib kev pab txhawb tej tug me nyuam thiab tsev neeg nyob rau hauv kev muab lus teb rau tus me nyuam tshwj xeeb cov kev xav tau los sis cov kev coj cwj pwm
Rau qib chav kawm thiab tsev txhawm rau txhim kho huab cua ib puag ncig txog kev kawm uas pab txhawb kev loj hlob thiab kev loj hlob paub tab kom muaj kev noj qab nyob zoo
Rau qib hauj lwm khoos kas txhawm rau txhim kho kom muaj kev nkag siab, kev muaj peev xwm, thiab cov tau los-los ntawm kev pab txhawb kev ua tus coj thiab tus neeg ua hauj lwm nyob rau hauv fab kev tawm tswv yim thiab kev tsim kho khoos kas
Rau qib hauv zej zos txhawm rau pablos pab hauv kev ua kom tau, thiab cov khoos kas thaum uas ua zoo siab rau txhua cov kab lig kev cai
Txuas Nrog Healthy Minds Healthy Children
Thov qhia tawm koj tus email txhawm rau taug qab saib cov ntaub ntawv tshiab tshaj plaws nrog rau HMHC thiab kawm paub ntau ntxiv thaum peb nthuav dav peb lub khoos kas!
