Hais txog Peb
Rau Siab Rau Txoj Kev Tsim Kev Sib Raug Zoo
Pab Txhawb Cov Laus Uas Pab Txhawb Me Nyuam
Healthy Minds Healthy Children (HMHC) yog Wisconsin lub khoos kas muab lus pab tswv yim txog kev noj qab haus huv fab siab ntsws ntawm tus me nyuam me thiab tus me nyuam yaus thoob plaws xeev. Tau kev coj los ntawm Wisconsin Alliance rau Kev Noj Qab Haus Huv Fab Siab Ntsws Ntawm Me Nyuam Me (WI-AIMH) los ntawm peev nyiaj pab los ntawm lub Lub Tuam Tsev Hauj Lwm Ntsig Txog Cov Me Nyuam Me thiab Cov Yim Neeg, lub khoos kas no yog tawm qauv los txhawb nqa cov neeg laus uas pab txhawb txoj kev kawm thiab kev loj hlob paub tab ntawm cov me nyuam me thiab me nyuam yaus. Peb pab pawg neeg ua hauj lwm ntawm cov kws muab lus pab tswv yim kev noj qab haus huv uas tau txais kev cob qhia thiab kev muab cob tsom mus rau kev tsim kev sib raug zoo nrog cov laus uas saib xyuas me nyuam thaum yug txog rau thaum muaj tsib xyoos, txhawm rau pab tsim tej cov kev txawj tshiab, thiab ua rau kom cov neeg laus no muaj peev xwm los txhawb cov me nyuam txoj kev loj hlob thiab noj qab haus huv. Healthy Minds Healthy Children muab cov kev cuam pab tswv yim yam tsis xam nqi dab tsi rau cov khoos kas kev saib xyuas thaum ntxov thiab kev kawm thiab cov kws pab kho mob saib xyuas hauv tsev nyob rau hauv xeev Wisconsin Nyob rau lub sij hawm no, muaj cov kev pab cuam nyob rau hauv qee thaj tsam ntawm lub xeev, uas muaj cov phiaj xwm los nthuav dav thoob plaws xeev Wisconsin. Thov Hu rau Peb yog xav paub ntxiv.
Kev Pab Txhawb Cov Kws Pab Kho Mob Saib Xyuas thiab Kev Kawm
Nyob ntawm HMHC peb tau cog lus los pab txhawb txhua tus neeg laus uas pab txhawb cov me nyuam mos thiab me nyuam yaus. Nyob rau ncua sij hawm xub thawj, peb tab tom tsom kwm rau kev muab lus pab tswv yim kev noj qab haus huv fab siab ntsws rau txheej teg kev ua hauj lwm saib xyuas thaum ntxov thiab kev kawm. Peb pab pawg neeg ua hauj lwm yog nyob nov los pab cov neeg laus ua cov hauj lwm ntawd kom muaj kev ntseeg siab ntxiv uas muaj raug raws li cov kev xav tau fab siab ntsws, fab kev coj cwj pwm, fab kev txawj koom lwm tus, thiab fab kev xav ntawm cov me nyuam thiab cov yim neeg uas lawv pab cuam. Nyob rau hauv qhov kev ua hauj li ntawd, peb cia siab tias yuav txhim kho cov kev ua neej nyob ntawm cov me nyuam thiab cov kws pab kho mob ECE, ua ke no tiv thaiv kom cov neeg ua hauj lwm tsis txhob qaug zog dhau.
Rau Cov Me Nyuam thiab Cov Yim Neeg
- Pab kom muaj kev sib raug zoo ntawm cov neeg laus thiab cov me nyuam yaus uas lawv zov
- Pab rau kev noj qab nyob zoo fab kev txawj koom lwm tus thiab kev xav
- Pab rau kom npaj tiav mus kawm ntawv
- Ua rau me nyuam yaus zoo siab thiab noj qab nyob zoo dua
- Txo cov kev raug txwv
- Txo cov kev raug rho tawm
Rau Cov Kws Pab Kho Mob ECE
- Kawm tau txuj ci tshiab los txhawb kev sib txuas lus thiab kev xav
- Pab rau kom muaj peev xwm daws tej cwj pwm uas muaj teeb meem
- Faib tswv yim sib pab thiab kev pab txhawb kev cob qhia
- Ua rau kom txhob qaug zog ua hauj lwm los yog nyuab siab
- Txo qhov neeg nquag tawm hauj lwm
- Pab kom txawj ua ub no dua tuaj
Ntsib Peb Cov Kws Pab Tswv Yim Kev Noj Qab Haus Huv HMHC
Peb cov kws pab tswv yim kev noj qab haus huv fab siab ntsws uas tau txais kev cob qhia fab chaw kuaj mob:
- Ua hauj lwm los txhawb kev sib raug zoo thiab kom tsim tau ib puag ncig uas txhawb nqa cov me nyuam yaus
- Tsom kwm rau kev tsim lub peev xwm ntawm cov neeg laus hauv cov me nyuam yaus kev ua neej nyob kom nkag siab cov me nyuam li kev loj hlob paub tab fab kev txawj koom lwm tus thiab kev xav
- Yog cov kws kho mob tshwj xeeb kev noj qab haus huv fab siab ntsws muaj ntaub ntawv tso cai los sis muaj cai tau txais daim ntawv tso cai uas tau txais kev cob qhia qib siab uas muaj kev paub tshwj xeeb txog me nyuam yaus txoj kev loj hlob paub tab, cov kev cuam tshuam txog kev nyuaj siab thiab qhov raug mob rau cov yim neeg, qhov tseem ceeb ntawm kev sib ncawg rau me nyuam yaus, thiab feem cuam tshuam tsis zoo txog kev loj hlob paub tab ntawm cov me nyuam yaus
- Siv txoj hauv kev tsom rau qhov zoo thiab ua zoo saib rau txhua qib kev cuam tshuam rau kev pab txhawb cov me nyuam yaus thiab lawv cov neeg saib xyuas
- Soj qab saib thiab pab txhawb cov me nyuam mos/me nyuam yaus li kev noj qab nyob zoo thiab kev loj hlob paub tab uas muaj kev noj qab nyob zoo; muab kev txheeb xyuas thaum ntxov txog kev tsis muaj raug raws il cov kev xav tau fab kev txawj koom lwm tus thiab kev xav thiab co vicm
Cheeb Tsam Qab Teb Hnub Tuaj
Golshan Motamedi, MS, LMFT HMHC Kws Pab Tswv Yim
Karissa Vogel Young, MSW, LCSW HMHC Kws Pab Tswv Yim
Jerolynn Bell-Scaggs, LPC (SAS), CS-IT HMHC Kws Pab Tswv Yim
Brian Myers HMHC Kws Pab Tswv Yim
Margo Camacho HMHC Kws Pab Tswv Yim
Thoob Plaws Lub Xeev, Cheeb Tsam Pawg neeg
Beth Smetana HMHC Kws Pab Tswv Yim
Cheeb Tsam Milwaukee
Nicole Robinson, MSW, LCSW HMHC Kws Pab Tswv Yim
Karmelita Moore, MS, LPC-IT, SAC-IT, CTS HMHC Kws Pab Tswv Yim
Jan Kwiatkowski, MS, LMFT HMHC Kws Pab Tswv Yim
Cheeb Tsam Qaum Teb Hnub Tuaj
Judith Warren HMHC Kws Pab Tswv Yim
Franchesca Vasquez HMHC Kws Pab Tswv Yim
Ntsib nrog HMHC Pawg Neeg ua Hauj Lwm
Healthy Minds Healthy Children cov hauj lwm yog tau kev tswj los ntawm ib pab neeg paub txog kev saib thiab cob me nyuam mos thiab me nyuam yaus, uas rau siab los txhim kho kom txhua tus menyuam yaus hauv xeev Wisconsin tau kev kaj siab.
Lana Shklyar, MS, IMH-E Thawj Coj Saib Xyuas Thoob Plaws ntawm WI-AIMH
Ashley J. Bowers, MA, LMFT, IMH-E Tus Coj Kev Cob Muab Lus PabTswv Yim Kev Noj Qab Haus Huv Fab Siab Ntsws Rau Me Nyuam Mos thiab Me Nyuam Yaus
Corey M. Robak-Klein, MA, LPC, LMFT Tus Thawj Tswj Saib Xyuas Kev Noj Qab Haus Huv Fab Kev Coj Cwj Pwm Fab Siab Ntsws Rau Me Nyuam Me thiab Me Nyuam
Alexandra Vazquez Vargas
Tus Kws Lis Hauj Lwm Hauv Chaw Ua Hauj Lwm Sab Qab Teb Hnub Tuaj thiab HMHC Tus Kws Kho Mob Tshwj Xeeb Fab Kev Xa Mus Kho
Martha Stolp Kws Cob Qhia txog Kev Pab Tswv Yim Kev Noj Qab Haus Huv Fab Siab Ntsws Rau Me Nyuam Me thiab Me Nyuam Yau
Anne Konen Tus Tswj kev Tsim Kho Fab Kev Kev Ua Hauj lwm
Abby Taylor Thawj Coj Saib Xyuas Ntaub Ntawv
Marlow Fowlkes-Ware Kws Cob Qhia Txog Kev Pab Tswv Yim Kev Noj Qab Haus Huv Rau Me Nyuam Me thiab Me Nyuam Yaus
Cia Peb Sib Koom Tes Sib Txhawb
Kev Pab Tswv Yim Kev Noj Qab Haus Huv Fab Siab Ntsws Rau Me Nyuam Me thiab Me Nyuam Yaus tau pom tias:
- pab rau me nyuam yaus tej kev txawj fab kev koom lwm tus thiab kev ua hauj lwm fab xav
- txhawb kom muaj kev sib raug zoo
- txo tej cwj pwm uas nyuaj rau cov neeg laus
- txo cov kev raug txwv thiab raug rho tawm
- pab rau cov chav kawm kom zoo dua tuaj
- txo cov neeg ua hauj lwm kev nyuaj siab, kev qaug zog, thiab kev nquag tawm hauj lwm
Sib koom tes, peb yuav pab tau Wisconsin cov me nyuam me, cov me nyuam yaus, thiab lawv cov tsev neeg kom muaj peev xwm nyob luag ntxhi, thiab noj qab nyob zoo lawm yav tom ntej.
