Kev Pab Cuam Kev Pab Tswv Yim

HMHC Cov Kev Pab Cuam Pab Tswv Yim Kev Noj Qab Haus Huv Fab Siab Ntsws

Peb tus qauv kev pab tswv yim yog saib raws li tus qauv uas siv hauv lub xeev Illinois rau IECMHC thiab nws muaj plaub qib kev pab cuam: me nyuam yaus/tsev neeg; chav kawm/tom tsev; tes hauj lwm khoos kas; thiab hauv zej zos. Peb cov kev pab cuam yog tau tawm qauv kom muaj kev sib koom tes, tiv thaiv, paub txog kev raug mob, txawj yoog kab lis kev cai, thiab kev sib txheeb, thiab yuav tsom kwm rau kev tsim kom muaj lub peev xwm ntawm kws txhwj xeeb, lwm cov neeg zov me nyuam, cov khoos kas, thiab tej zej zos los mus txhawb thiab pab rau me nyuam yaus txoj kev loj hlob paub tab fab kev txawj koom lwm tus thiab kev xav thiab kom npaj tiav mus kawm ntawv.

Peb Li Mes Nus Cov Kev Pab Cuam Kev Pab Tswv Yim

Qib Me Nyuam Yaus/Tsev Neeg

Daws tej tug me nyuam li teeb meem kev txhawj xeeb txog kev noj qab haus huv fab siab ntsws, kev noj qab nyob zoo fab kev xav, los sis fab kev coj cwj pwm thaum uas pab txhawb tus niam txiv thiab/los sis tus saib xyuas li kev noj qab nyob zoo fab kev xav thiab kev noj qab haus huv fab siab ntsws.

Peb cov kws pab tawm tswv yim yuav ua hauj lwm nrog cov kws tshwj xeeb thiab cov neeg hauv tsev neeg kom nkag siab thiab paub los daws tau zoo rau tus me nyuam cov kev xav tau:

  • Kev soj ntsuam hauv chav kawm
  • Kev kuaj thiab soj ntsuas
  • Khaws, faib, thiab kev lis hauj lwm cov ntaub ntawv
  • Cob qhia, txhawb, thiab xav tswv yim
  • Sib Tawm Tswv Yim
  • Xa mus rau cov chaw pab cuam txhab ntxiv raws li xav tau

Qib Chav Kawm/Tom Tsev

Hais txog cov sib txawv xws li, kev coj cwj pwm, kev ntseeg, kev coj, thiab tej kev ua ub no hauv tsev los yog hauv chav kawm ntawv uas muaj feem cuam tshuam rau txoj kev sib raug zoo ntawm cov kws ua hauj lwm tshwj xeeb, cov me nyuam uas lawv zov, thiab lawv cov tsev neeg.

Peb cov kws pab tswv yim yuav koom tes nrog cov neeg ua hauj lwm thiab cov neeg hauv tsev neeg kom:

  • Pab rau txoj kev coj zoo thiab muab tswv yim los pab rau cov neeg ua hauj lwm
  • Saib xyuas, ua qauv qhia, thiab faib tej tswv yim los pab cuam
  • Txhawb nqa thiab muab lus qhia hais txog cov phiaj xwm thiab cov tswv yim sib koom tsim ua ke
  • Txhawb tsev neeg txoj kev koom tes

Qib Hauv Tes Hauj Lwm Khoos Kas

Muab kev txhawb los txhim kho tag nrho cov khoos kas saib raws qhov zoo ntawm me nyuam me thiab me nyuam los ntawm kev tsom kwm rau ntau cov teeb meem uas cuam tshuam rau qhov zoo, huab cua, thiab kev muaj vaj huam sib luag ntawm lub chaw saib xyuas thaum ntxov thiab lub chaw kawm.

Peb cov kws pab tswv yim yuav ua hauj lwm nrog cov neeg ua hauj lwm los:

  • Pab muab tswv yim thiab txhawb kev coj
  • Txhawb tej kev cai thiab cov kev hloov pauv/cov kev tsim kho txheej txheem ua hauj lwm khoos kas
  • Ua hauj lwm los daws cov teeb meem uas cuam tshuam rau ntau tshaj ib tug me nyuam, ib tsev neeg, los yog ib tug neeg ua hauj lwm
  • Pab/Pab Txhawb kev tawm phiaj xwm cov tswv yim
  • Pab tsim thiab muab kev cob qhia rau cov neeg ua hauj lwm thiab cov kev ua ub ua no txog kev noj qab nyob zoo ntawm neeg ua hauj lwm
  • Pab rau cov hmo ntsib cov tsev neeg

Qib Hauv Zej Zos

Pab tej koom haum, txheej teg ua hauj lwm, thiab zej zos txhawm rau txhim kho cov tau los fab kev txawj koom lwm tus, fab kev xav, thiab kev coj cwj pwm los ntawm kev sib koom tes, kev muaj kev sib koom tes, thiab kev lis hauj lwm ua ke.

Peb cov neeg pab tswv yim yuav ua hauj lwm nrog tej thawj coj thiab koom haum hauv zos los mus:

  • Pab kom muaj kev sib paub thiab sib pab hais txog Kev Noj Qab Haus Huv Fab Siab Ntsws Ntawm Me Nyuam Me (Infant Mental Health, IMH), IECMHC, thiab lwm cov tswv yim uas cuam tshuam
  • Txuas cov tsev neeg, pab pawg, thiab tej koom haum
  • Txhawb kev kawm kom paub kab lis kev cai, paub yoog, thiab nrog qhuas kab lis kev cai
  • Pab muab kev cob qhia thiab kev kawm rau cov tsev neeg thiab lub zej zos
  • Soj qab saib cov kev xav tau hauv zej zog yuav tsum qhia paub rau cov kev txhim kho txheej teg kev ua hauj lwm loj zog
  • Txuas cov tsev neeg mus rau tej koom txoos thiab cov hwv tsam rau kev so thiab koom zej zos

Thov Kev Pab Tswv Yim los yog Kev Pab Xa Mus Tom Ntej

HMHC cov neeg pab tswv yim npaj txhij thiab khoom yuav pab koj hais txog tej cov kev xav tau kev pab tswv yim kev noj qab haus huv fab siab ntsws. Thov siv daim foos hauv qab no los qhia tawm koj cov lus qhia meej thiab ib ntawm peb tus neeg ua hauj lwm tswj los sis cov kws pab tswv yim yuav ua tau li cov kauj ruam tom ntej!

Thov Kev Pab Tswv Yim